დღეს მინდა გაგიზიაროთ ჭეძიანგის უნივერსიტეტის გარემოს დიზაინის ბაკალავრის საფეხურის სტუდენტის იოუძინ სუნგის წერილი. ის სამხრეთ კორეელია, დაწყებითი განათლება იტალიაში, საშუალო კი სამხრეთ კორეაში მიიღო, რის შემდეგაც ჩინეთში ჩამოვიდა სასწავლებლად.
ფენგ იოუ ლან (冯友兰——1895-1990) არის ცნობილი ჩინელი ფილოსოფოსი და განმანათლებელი. მისი წიგნები „ჩინეთის ფილოსოფიის მოკლე ისტორია“, „ჩინეთის ფილოსოფიიის ისტორია“ , “ჭენიუენის ექვსი წიგნი“ და სხვა, იქცა მე-20 საუკუნის ჩინური ფილოსოფიის კლასიკად და მას დღეს „თანამედროვე კონფუციონისტსაც“ კი უწოდებენ.
მე კი მინდა ჩემი გვერდის მეშვეობით ნელ-ნელა შემოგთავაზოთ ფენგ იოუ ლანის „ჩინეთის ფილოსოფიის მოკლე ისტორიის“ ჩემივე თარგმანი ორიგინალიდან, ანუ მისივე ნაწერი ჩინური ენიდან. წინა სტატიაში ავტორის მოკლე ბიოგრაფიასთან ერთად შემოგთავაზეთ პირვალი თავის "ჩინური ფილოსოფიის სულის" შესავალი, ახლა კი გთავაზობთ პირველი თავის პირველ ქვეთავს _ "ფილოსოფიის ადგილი ჩინურ ცივილიზაციაში".
ნურხაჩი არის ჩინეთის უკანასკნელი დინასტიის _ ცინგის დამაარსებელი. მის მიერ დაარსებული დინასტია 296 წლის ისტორიას ითვლის.1574 წელს ძიენჭოუს მარცხენა მხარის მმართველს ძიაო ჩანგს და მის შვილს თა ქეშის, მარჯვენა მხარის მმართველ ხანელ ლი ჩენგლიანგთან მოუვიდათ უთანხმოება, პირველ ეტაპზე ამ დაპირისპირებამ თითქოს მშვიდად ჩაიარა, მაგრამ 1582 წელს ლი ჩენგლიანგის არმიამ ნურხაჩის ბიძის ათაის წინააღმდეგ ბრძოლაში ძიაო ჩანგი და თავისი შვილი თა ქეშიც მოკლა. თა ქეში ნურხაჩის მამა იყო, ძიაო ჩანგი კი ბაბუა. შესაბამისად, ძაიო ჩანგის ტიტული და თანამდებობა ნურხაჩის მემკვიდრეობით ერგო.
ამჯერად მინდა გაგიზიაროთ პატრიციას წერილი. პატრიცია შორეული და ლამაზი კუბიდანაა. ჩინეთში მაგისტრატურაზე სწავლის გასაგრძელებლად ჩამოვიდა და ჭეძიანგის უნივერსიტეტში სისის სტუდენტურ ქალაქში 2019 წელს გავიცანით ერთმანეთი, სადაც ერთ კორპუსში 9 თვე ვცხოვრობდით და დავმეგობრდით კიდეც, ერთად ბევრ საუნივერისტეტო და სხვა სახის აქტივობებსა და ღონისძიებში მიგვიღია მონაწილეობა და იმედია, კიდევ მივიღებთ. მან მაგისტრატურა ჩინური ენის განხირთ 2021 წლის ზაფხულში დაასრულა და ახლა ჩინეთში ქალაქ ძინხუაში მუშაობს.
სინხაის რევოლუცია 1911 წელს მოხდა და ამ რევოლუციამ დაასრულა ჩინეთში მონაქრქიული მმართველობა, დაამხო ცინგის დინასტია რომელიც 268 წელი მართავდა ჩინეთს და დაარსა ჩინეთის რესპუბლიკა. სინხაის რევოლუციის მთავარ ლიდერად და სულის ჩამდგმელად სუნ ჭუნგშანი იგივე სუნ იატსენი ითვლება, რომელიც სინხაის რევოლუციის განუყოფელი სიმბოლოა. სუნ ჭუნგშანის გვერდით კი ქვეყნის შიგნით თუ გარეთ, აქტიურად იბრძოდნენ მაშინდელი ჩინელი სტუდენტები.
ჩემი გვერდის მეშვეობით გარდა ჩინეთის ისტორიის, ფილოსოფიის თუ ლიტერატურისა, შევეცდები მაქსიმალურად გაგიზიაროთ ინფორმაცია სტიპენდიების და სხვა პროგრამების შესახებ და ასევე გაგიზიაროთ უცხოელი სტუდენტების გამოცდილებაც ჩინეთთან და ჩინეთში სწავლასთან დაკავშირებით.
